வைத்திய முப்பூ குரு - விளக்கம் -Muppu guru -muppoo guru

 வைத்திய முப்பூ குரு விளக்கம் 

-Muppu guru -muppoo guru

           வைத்திய முப்பூ குரு 

இன்றைய மருத்துவ முறைகளில் தலைசிறந்த மருத்துவமும்,ஆதி மருத்துவமாகவும் போற்றப்படுவது சித்த மருத்துவம் தான் .இறைவன் சிவபெருமானால் தோற்றுவிக்கப்பட்ட இம்முறையில் மருத்துவம் தவிர யோகம்,ஞானம்,இரசவாதம்,காயகற்பம்,சரகலை,பஞ்சபட்சி, மாந்த்ரீகம், போன்ற அரிய கலைகள் அடங்கியுள்ளன.

இது வேறு எந்த ஒரு மருத்துவ முறையிலும் இல்லாத சிறப்பாகும்.

இப்படி மகத்துவம் வாய்ந்த சித்த மருத்துவத்தின் மருந்துகள் செய்முறையில் மணிமகுடமாக இருப்பது முப்பூ என்னும் குருமருந்து ஆகும்.இம் முப்பூவை தயாரிப்பது மற்ற மருந்துகளைப் போல்  எளிதான காரியமல்ல.சித்தர் பெருமக்கள் தங்கள் நூல்களில் முப்பூவைப் பற்றிய பாடல்களில் ஏராளமான பரிபாஷைகளில் (மறை பொருள்)கூறியுள்ளதால் சித்தர்களின் நூல்களை படித்து அறிந்து முப்பூவை தயாரித்தல் என்பது இயலாத காரியமாகும். 

சித்தர் நெறியில் தேர்ச்சி பெற்ற மெய்குருவின் திருவடியைப் பற்றி உண்மை சீடனாக -12-வருடம்  தொண்டுகள் செய்து பெற வேண்டிய அபூர்வமான கலைகளில் இதுவும் ஒன்று என சித்தர்கள் தங்கள் நூல்களில் தெளிவாகக் கூறியுள்ளனர்.

முப்பூவில் 5 - வகை

1 - வைத்திய முப்பூ 

2 - இரசவாத முப்பூ 

3 - மாந்திரீக  முப்பூ 

4 - காயகற்ப முப்பூ 

5 - ஞான முப்பூ   

என்ற ஐந்து வகைகள் உள்ளன.

வைத்திய முப்பூ பற்றிய விளக்கம்:

சித்த  மருத்துவத்தில் சூரணம்,லேகியம்,தைலம்,பற்பம்,செந்தூரம்,சுண்ணம்,பாஷாண கட்டு, களங்கு,போன்ற வகைகளாக மருந்துகள் தயார் செய்யப்படுகிறது.இம் மருந்துகளை நோய்களுக்கு உள்ளே சாப்பிடும் பொழுது இதனை இலகுவாகச் செரிக்கச் செய்து மருந்துகளின் முழுமையான சத்துக்களை உடலில் சேர்ப்பதற்கும், மருந்துகளின் அணுக் கூறுகளைப் பிரித்து    

செயல்படும் தன்மையை பலமடங்கு அதிகரித்து வீரியப்படுத்துவதற்கும் சித்தர்களின் மெய்ஞானத்தால் கண்டறிந்து அருளப்பட்டதே வைத்திய முப்பூவாகும் .

இதனை அனைத்து சித்த மருந்துகளுக்கும் குறிப்பிட்ட அளவில் கலந்து கொடுக்கும் போது சித்தர்களின் நூல்களில் கூறியுள்ளபடி பரிபூரண மருத்துவ பலனை அடைய முடியும்.

முப்பை முன்னே செய் 

மருந்தை பின்னே செய் 

                                          என்பது சித்தர் வழக்காகும்

உப்பில்லா பண்டம் குப்பையிலே என்பதைப்போல் 

முப்பில்லா மருந்தும்..................

சிறப்புடையதல்ல என உணர்ந்து கொள்ள வேண்டும்.உண்மை என்னவென்றால் நாம் நோய்களுக்கு கொடுக்கும் சித்த மருந்துகளின் சத்துக்கள் பாதி அளவு உடலில் சேர்வதே அபூர்வம் தான்.காரணம் நமது உடலில் இரைப்பையில் சுரக்கும் பித்த நீருக்கு (ஹைட்ரோ குளோரிக் ஆசிட்)இம் மருந்துகளை கரைப்பதர்க்கான ஆற்றல் குறைவு என்பதால் பித்தநீரின் ஆற்றலைப் பெருக்குவதற்கு வைத்திய முப்பூ பேருதவி புரிகின்றது.மற்றும் இம்முப்பூவின் ஆற்றலால் மருந்துகள் பல மடங்கு வீர்யத்துடன் செயல் புரிந்து நோய்களை எளிதில் போக்குகின்றது . 

வைத்திய முப்பூவில் இரண்டு வகை உள்ளன.

1 - சூரண முப்பூ                 :அனைத்து வித சூரணங்களுக்கு மட்டும் 

2 -வைத்திய முப்பூ  குரு : லேகியம்,தைலம்,பற்பம்,செந்தூரம்,போன்ற அனைத்திற்கும்.

சூரண முப்பூ விளக்கம் : 

ஆதி வஸ்து வாகிய மூலப் பிரணவப் பொருளிலிருந்து சுத்தி முறையில் நஞ்சுவை நீக்கி பின்பு அகரம் உகரம் என இரண்டாகப் பிரித்து மகரம் எனும் தசதீட்சை யாக முடிக்கப் பட்ட முப்பூ .

இது அனைத்து வித சூரணங்களுக்கும் கலந்து கொடுக்க இரண்டு மடங்கு உயிர்ப்பைத் தூண்டும் ஆற்றல் பெற்றது.

சூரண முப்பூ பயன்படுத்தும் பயன்படுத்தும் முறை : 

மூலிகைப் பொடிகள்,மூலிகை சூரணங்கள்,திரிகடுகு,திரிபலா,தாளிசாதி சூரணம்,அஷ்ட சூரணம்,அமுக்கரா சூரணம்,போன்ற அனைத்து வித சூரணங்களுக்கும் பத்துக்கு ஒன்று என்ற விகிதத்தில் அதாவது சூரணங்கள் 100-கிராமுக்கு -முப்பூ - 10-கிராம் கலந்து கொடுக்க சூரணங்கள் இரண்டு மடங்கு வீர்யத்துடன் செயல்படும் . 

(இது சித்தர் வழி பாரம்பரிய முறையில் கையாண்டு வரும் இரகசிய முறையாகும்)

இம் முப்பூவை முடித்து சுமார் 10- வருடங்களுக்கு முன்  பல  சித்த  மருத்துவர்களுக்கு வழங்கி வந்தோம். அவர்களும் பயன் படுத்தி உண்மையான பலனைக் கண்டு பாராட்டியுள்ளனர்.

நன்றி ! 

இமயகிரி சித்தர்...

www.siddharprapanjam.org